କୁଆଖାଇରେ ହେବ ୱାଟର୍ଫ୍ରଣ୍ଟ୍
କୁଆଖାଇ ନଦୀକୂଳରେ ନିର୍ମାଣ ହେବ ୱାଟର୍ଫ୍ରଣ୍ଟ୍ । ଗୁରୁବାର ବିଧାନସଭାରେ ଏହା କହିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ସେ କହିଛନ୍ତି, ଗୁଜରାଟ ସାବରମତୀରେ ରହିଛି ଭାରତର ପ୍ରଥମ ରିଭର୍ଫ୍ରଣ୍ଟ୍ ପ୍ରକଳ୍ପ । ଏହି ଢାଞ୍ଚାରେ କଟକ ମହାନଦୀ କୂଳରେ ରିଭର୍/ୱାଟର୍ଫ୍ରଣ୍ଟ୍ କରାଯିବାକୁ ପ୍ରସ୍ତାବ ରହିଛି । ଏଥିସହ ପାଣ୍ଡରାରେ ମଧ୍ୟ ୱାଟର୍ଫ୍ରଣ୍ଟ୍ ପାଇଁ ଯୋଜନା ଚାଲିଛି । ଏହି ପ୍ରକଳ୍ପ ଦ୍ୱାରା ପର୍ଯ୍ୟଟନର ବିକାଶ ହେବ ଓ ଉଭୟ ଭୁବନେଶ୍ୱର ଓ କଟକବାସୀ ଆକର୍ଷଣୀୟ ସ୍ଥାନ ବୁଲିବା ପାଇଁ ସୁଯୋଗ ପାଇବେ ବୋଲି ଆଶା ରଖାଯାଇଛି ।
