ଖୁବ ଶୀଘ୍ର ଶିମିଳିପାଳ ଫେରିବ ଜିନ୍ନତ

ରବିବାର ପଶ୍ଚିମବଙ୍ଗର ବାଙ୍କୁରା ଜିଲ୍ଲା ଗୋସାଇଣ୍ଡିହି ନିକଟ ଜଙ୍ଗଲରେ ଟ୍ରାଙ୍କୁଲାଇଜ ହୋଇଥିଲା ଜିନ୍ନତ ।  ନଭେମ୍ବର ୧୪ ତାରିଖରେ ମହାରାଷ୍ଟ୍ରର ତଡ଼ୋବା- ଅନ୍ଧାରୀ ବ୍ୟାଘ୍ର ଅଭୟାରଣ୍ୟରୁ ଶିମିଳିପାଳକୁ ଆସିଥିଲା ଜିନ୍ନତ । ଶିମିଳିପାଳ ଅଭୟାରଣ୍ୟରେ ବାଘ ବଂଶ ବୃଦ୍ଧି ଲକ୍ଷ୍ୟରେ ଏହାକୁ ଅଣାଯାଇଥିଲା ।  ପ୍ରଥମେ ଦଶଦିନ ସ୍ବତନ୍ତ୍ର ଏନକ୍ଲୋଜରରେ ଏହାକୁ ରଖାଯାଇଥିଲା । ଡିସେମ୍ବର ୮ତାରିଖରୁ ଶିମିଳିପାଳରୁ ବାହାରି ଝାଡଖଣ୍ଡର ଚକୁଲିଆ ଜଙ୍ଗଲରେ ପଶିଥିଲା ।  ସେଠାରେ ସପ୍ତାହେ ଘୁରିବା ପରେ ପଶ୍ଚିମବଙ୍ଗର ଝାଡ଼ଗ୍ରାମ ମୁହାଁଇଥିଲା ଜିନ୍ନତ । ୨୧ ଦିନ ପରେ ଜନ୍ତାକୁ ଫେରିଛି ଜିନ୍ନତ ।