‘ବିଗ୍ ବସ୍ OTT 2 ରୁ ବିଦା ହେବେ ଏହି ଦୁଇ ପ୍ରତିଯୋଗୀ; ଲୋକେ ଦେଲେ ଏମିତି ପ୍ରତିକ୍ରିୟା
ଏହି ସପ୍ତାହ ସଲମାନ ଖାନଙ୍କ ଶୋ’ ପ୍ରଶଂସକଙ୍କ ପାଇଁ ଆଶ୍ଚର୍ଯ୍ୟଜନକ ହେବାକୁ ଯାଉଛି, କାରଣ ଏହି ସପ୍ତାହରେ ଡବଲ ଏଭିକ୍ସନ(ବାହାର) ହେବାକୁ ଯାଉଛି। ଜାଣନ୍ତୁ ସେମାନେ କିଏ?
ଟିଭି ପରି, ‘ବିଗ୍ ବସ୍'(ବିବି) ମଧ୍ୟ OTT ରେ ଦର୍ଶକଙ୍କୁ ମନୋରଞ୍ଜନ କରିବାରେ ସଫଳ ହେଉଛି। ବିବାଦୀୟ ଶୋ ‘ବିଗ୍ ବସ୍ OTT 2’ ଯେମିତି ଆଗକୁ ବଢୁଛି ସେମିତି ପ୍ରତିଦିନ ବିବି ହାଉସ୍ରେ ଘଟୁଥିବା ହାଇ ଭୋଲଟେଜ୍ ଡ୍ରାମା ଦର୍ଶକଙ୍କ ପାଇଁ ଅଧିକ ଆକର୍ଷଣୀୟ ହେଉଛି। କୁହାଯାଉଛି ଯେ ଏହି ସପ୍ତାହ ସଲମାନ ଖାନଙ୍କ ଶୋ’ ପ୍ରଶଂସକଙ୍କ ପାଇଁ ଆଶ୍ଚର୍ଯ୍ୟଜନକ ହେବାକୁ ଯାଉଛି, କାରଣ ଏହି ସପ୍ତାହରେ ଡବଲ ଏଭିକ୍ସନ(ବାହାର) ହେବାକୁ ଯାଉଛି। ପୂର୍ବରୁ ଖବର ଆସିଥିଲା ଯେ ଆଶିକା ଭାଟିଆଙ୍କୁ ବିବି ଘରୁ ବାହାର କରିଦିଆଯାଇଛି ଏବଂ ବର୍ତ୍ତମାନ ଏହି ସପ୍ତାହରେ ଡବଲ ଏଭିକ୍ସନ ହେବ ବୋଲି ଜଣାପଡିଛି। ଫଲକ ନାଜ ଏବଂ ଜୈଦ ହଦିଦଙ୍କୁ ବାହାର ରାସ୍ତା ଦେଖାଯାଇଛି। ଫଲକଙ୍କ ସହ ଜୈଦଙ୍କୁ ଏହି ଶୋ’କୁ ବିଦାୟ ଦେବାକୁ ହେବ। ବର୍ତ୍ତମାନ ଭାଇରାଲ ହୋଇଥିବା ଏକ ଟ୍ୱିଟ୍ରେ ଏହା ଜଣାପଡିଛି। ଅନେକ ଲୋକ ନିଜର ପ୍ରତିକ୍ରିୟା ପ୍ରକାଶ କରିଛନ୍ତି। ଜଣେ ଲେଖିଛନ୍ତି, “ଶେଷରେ! ଭଲ ଖବର ଏବଂ # BiggBossOtt2 ଘରେ ଆଉ ବୋରିଂ ହେବାକୁ ପଡିବ ନାହିଁ।” ଅନ୍ୟ ଜଣେ କହିଛନ୍ତି, “ମୁଁ ବହୁତ ଖୁସି।” ଏଥି ସହିତ ଆଉ ଜଣେ ସୋସିଆଲ୍ ମିଡିଆ ୟୁଜର୍ ଏହି ବହିଷ୍କାରକୁ ‘କରିସ୍ମା’ ବୋଲି କହିଛନ୍ତି। ଅନ୍ୟ ଏକ ଟ୍ୱିଟ୍ରେ କୁହାଯାଇଛି ଯେ “ବୋରିଂ ଲୋକ ଚାଲିଗଲେ, ଏବେ ଅଭିଷେକ ଜିଆ ଏବଂ ଅବିନାଶଙ୍କ ସହ ଯୋଡି ଜମିବ।” ଅନ୍ୟ ଜଣେ ପ୍ରଶଂସକ ଟ୍ୱିଟ୍ କରି କହିଛନ୍ତି, “ସବୁ ଆଡୁ ଟିମ୍ ଏଲ୍ଭିଶ୍! ସେମାନେ ସଚ୍ଚୋଟତା ଏବଂ ସତ୍ୟନିଷ୍ଠା ସହିତ ଖେଳ ଖେଳୁଛନ୍ତି। ଆସନ୍ତୁ ତାଙ୍କୁ ଶେଷ ପର୍ଯ୍ୟନ୍ତ ସମର୍ଥନ କରିବା!”
