ବିଶ୍ଵରେ ରେକର୍ଡ କରୁଛି ‘ଆଦିପୁରୁଷ’

ପ୍ରତିଦିନ ନୂଆ ରେକର୍ଡ ସୃଷ୍ଟି କରୁଛି, ପ୍ରଭାସ ଏବଂ କ୍ରିତି ସାନନ୍ ବହୁ ପ୍ରତିକ୍ଷୀତ ଫିଲ୍ମ ଆଦିପୁରୁଷ। ବହୁ ବିବାଦ ପରେ ବି ଏହାର ରୋଜଗାର ଉପରେ କୌଣସି ପ୍ରଭାବ ପଡୁନାହିଁ। ବର୍ତ୍ତମାନ ଏହି ସମୟରେ, ଫିଲ୍ମର ତୃତୀୟ ଦିନର ୱାର୍ଲଡ୍‌ ୱାଇଡ୍‌ ରୋଜଗାର ଆକଳନ ସାମ୍ନାକୁ ଆସିଛି। ତୃତୀୟ ଦିନରେ ଏହି ଚଳଚ୍ଚିତ୍ର ୩୦୦ କୋଟି ଅତିକ୍ରମ କରିଛି। ଦର୍ଶକ, ରାଜନେତା ଏବଂ ବହୁ ଅଭିନେତା ‘ଆଦିପୁରୁଷ’କୁ ବିରୋଧ କରୁଥିବାବେଳେ ଫିଲ୍ମର ରୋଜଗାର ମଧ୍ୟ କ୍ରମାଗତ ବୃଦ୍ଧି ଘଟାଉଛି। ପ୍ରଥମ ଦିନରେ ଏହି ଚଳଚ୍ଚିତ୍ର ସାରା ବିଶ୍ୱରେ ୧୫୦ କୋଟି ଛୁଇଁଥିବାବେଳେ ଦ୍ୱିତୀୟ ଦିନରେ ଫିଲ୍ମ ୨୪୦ କୋଟି ରୋଜଗାର କରିଥିଲା। ଖବର ଅନୁଯାୟୀ ବର୍ତ୍ତମାନ ତୃତୀୟ ଦିନରେ ଫିଲ୍ମ ୩୦୦ କୋଟି ଟଙ୍କାର ଅତିକ୍ରମ କରିଛି। ଏହା ସହିତ ସାରା ବିଶ୍ୱରେ ଏହି ଚଳଚ୍ଚିତ୍ରର ଗୁଜବ ସୃଷ୍ଟି କରୁଛି ।ଏହି ଚଳଚ୍ଚିତ୍ର ରିଲିଜ ହେବା ପରଠାରୁ ବିରୋଧ ବଢି ଚାଲିଛି। ଅନ୍ୟ ଜଣେ ପ୍ରଶଂସକ ରାବଣର ୧୦ ମୁଣ୍ଡ ଲୁକ୍‌ରେ ଖୁସି ନଥିବାବେଳେ ଫିଲ୍ମର ଚରିତ୍ରମାନଙ୍କୁ ଦିଆଯାଇଥିବା ସଂଳାପକୁ ମଧ୍ୟ ଅନେକ ବିରୋଧ କରୁଛନ୍ତି । ପ୍ରଭୁ ହନୁମାନ ଏବଂ ମେଘନାଥଙ୍କ ଚରିତ୍ର ପାଇଁ ସ୍ୱତନ୍ତ୍ର ଭାବେ ଲେଖାଯାଇଥିବା ସଂଳାପ, ‘ଜୋ ହମାରି ବେହେନ କୋ ହାଥ ଲାଗାୟେଙ୍ଗେ, ଉଙ୍କି ଲଙ୍କା ଲାଗାୟେଙ୍ଗେ’, ‘କପଡା ତେରେ ବାପ କା, ଆଗ ଭି ତେରେ ବାପ କି, ତେଲ ତେରେ ବାପ କା, ଜଲେଗି ଭୀ ତେରେ ବାପ କି’, ‘ତେରୀ ବୁଆ କା ବଗୀଚା ହୈ ଜୋ ହୱା ଖାନେ ଆ ଗୟା ? ‘ ଏହି ଡାଏଲଗକୁ ଶୁଣି ପ୍ରଶଂସକଙ୍କ ରାଗି ଯାଇଛନ୍ତି।