କୃଷକ ପଦଯାତ୍ରା ପୂର୍ବରୁ ଜାମ ହେଲା ଟ୍ରାଫିକ
ଉତ୍ତର ପ୍ରଦେଶର କୃଷକମାନେ ଆଜି ଏକ ବିକ୍ଷୋଭ ପ୍ରଦର୍ଶନ କରିବାକୁ ଯାଉଛନ୍ତି ଯାହାଫଳରେ କୃଷକ ‘ଦିଲ୍ଲୀ ଚଲୋ’ ପଦଯାତ୍ରା ପୂର୍ବରୁ ଦିଲ୍ଲୀ ଏବଂ ନୋଏଡାର କିଛି ଅଞ୍ଚଳରେ ଟ୍ରାଫିକ ଗୁରୁତର ଭାବରେ ଜାମ୍ ହୋଇଛି। ପ୍ରବଳ ସୁରକ୍ଷା ନିୟୋଜନ ଏବଂ ପୁଲିସ୍ ବ୍ୟାରିକେଡ୍ ମଧ୍ୟରେ ଦିଲ୍ଲୀ-ଏନସିଆରର ଅନେକ ସ୍ଥାନରେ ଯାନବାହାନର ଏକ ଲମ୍ବା ଧାଡି ଦେଢ଼ିବାକୁ ମିଳିଛି।କୃଷକମାନେ ମଧ୍ୟାହ୍ନ ୧୨ଟାରୁ ସେମାନଙ୍କ ପଦଯାତ୍ରା ଅରମ୍ଭ କରିବେ। ବିକ୍ଷୋଭରେ ସୁରକ୍ଷା ବ୍ୟବସ୍ଥା କଡ଼ା କରିବା ସହ ମାର୍ଗ ପରିବର୍ତ୍ତନ ନେଇ ପୁଲିସ୍ ସୂଚନା ଦେଇଛି। ପୁରୁଣା ଅଧିଗ୍ରହଣ ଆଇନ ଅନୁଯାୟୀ କୃଷକମାନେ ୧୦ ପ୍ରତିଶତ ପ୍ଲଟ୍ ଏବଂ ୬୪.୭ ପ୍ରତିଶତ ବର୍ଦ୍ଧିତ କ୍ଷତିପୂରଣ ଦାବି କରୁଛନ୍ତି, ଭୂମିହୀନ ଚାଷୀଙ୍କୁ ରୋଜଗାର ଏବଂ ପୁନର୍ବାସର ସୁବିଧା ଦିଆଯିବା, ଉଚ୍ଚ ଶକ୍ତି କମିଟି ଦ୍ବାରା ପାସ୍ ହୋଇଥିବା ସମସ୍ୟା ଏବଂ ଜନବହୁଳ ଅଞ୍ଚଳର ସଠିକ୍ ସମାଧାନ ପାଇଁ ସରକାରୀ ନିର୍ଦ୍ଦେଶ ସେମାନଙ୍କ ଦାବି ଅନ୍ତର୍ଭୁକ୍ତ।ଏହି ପଦଯାତ୍ରାରେ ଗୌତମ ବୁଦ୍ଧ ନାଗର, ଆଗ୍ରା, ଆଲିଗଡ ଏବଂ ବୁଲନ୍ଦଶାହର ସମେତ ୨୦ଟି ଜିଲ୍ଲାର କୃଷକ ଅଂଶଗ୍ରହଣ କରିବେ। ଏହି ବିକ୍ଷୋଭ ପ୍ରଦର୍ଶନକୁ ଦୃଷ୍ଟିରେ ରଖି ଦିଲ୍ଲୀ ପୁଲିସ ଏବଂ ଗୌତମ ବୁଦ୍ଧ ନାଗର ପୁଲିସ ନୋଏଡା-ଦିଲ୍ଲୀ ସୀମାନ୍ତରେ କୃଷକମାନଙ୍କୁ ଜାତୀୟ ରାଜଧାନୀକୁ ନଆସିବା ପାଇଁ ପ୍ରତିବନ୍ଧକ ଲଗାଇଛନ୍ତି।
