ଆସୁଛି ପୁଣି ଲଘୁଚାପ !
ଆସନ୍ତା ୨୪ ତାରିଖ ବେଳକୁ ଆଉ ଏକ ଲଘୁଚାପ କ୍ଷେତ୍ର ସମ୍ଭାବନା। ଉତ୍ତର ବଙ୍ଗୋପସାଗର ଅଞ୍ଚଳରେ ଏହି ଲଘୁଚାପ କ୍ଷେତ୍ର ସୃଷ୍ଟି ହେବାର ସମ୍ଭାବନା ଅଛି।
ପୁଣି ଆସୁଛି ଆଉ ଏକ ଲଘୁଚାପ। ଆସନ୍ତା ୨୪ ତାରିଖ ବେଳକୁ ଆଉ ଏକ ଲଘୁଚାପ କ୍ଷେତ୍ର ସମ୍ଭାବନା। ଉତ୍ତର ବଙ୍ଗୋପସାଗର ଅଞ୍ଚଳରେ ଏହି ଲଘୁଚାପ କ୍ଷେତ୍ର ସୃଷ୍ଟି ହେବାର ସମ୍ଭାବନା ଅଛି। ଏହି ଲଘୁଚାପ କ୍ଷେତ୍ର ପ୍ରଭାବରେ ରାଜ୍ୟର ବଭିନ୍ନ ସ୍ଥାନରେ ବର୍ଷା ସମ୍ଭାବନା ଅଛି। ଆଗାମୀ ୫ ଦିନ ପାଇଁ ଉତ୍ତର, ଦକ୍ଷିଣ ଏବଂ ପଶ୍ଚିମ ଓଡ଼ିଶାରେ ପ୍ରବଳରୁ ଅତି ପ୍ରବଳ ବର୍ଷା ହେବାର ସମ୍ଭାବନା ଅଛି। ସେପଟେ ଦକ୍ଷିଣ-ପଶ୍ଚିମ ମୌସୁମୀ ବାୟୁ ସାରା ଓଡ଼ିଶା ଅତିକ୍ରମ କରଥିବା ଆଞ୍ଚଳିକ ପାଣିପାଗ ବିଭାଗ ସୂଚନା ଦେଇଛି।
ଏପଟେ ବନ୍ୟା ବିଭୀଷିକା ଭିତରେ କୁମ୍ଭୀର ଭୟ । କେନ୍ଦ୍ରାପଡ଼ାରେ ବନ୍ୟା ବିଭୀଷିକା ଭିତରେ କୁମ୍ଭୀର ଭୟ। ପଟ୍ଟାମୁଣ୍ଡାଇ ବ୍ଲକ ଚଉଦ କୁଲାଟ ଅଞ୍ଚଳରେ ବୁଲୁଛନ୍ତି ବହୁ କୁମ୍ଭୀର। ବ୍ରାହ୍ମଣୀ ନଦୀରେ କୁମ୍ଭୀର ବୁଲୁଥିବା ଦେଖିବାକୁ ମିଳିଛି। ବନ୍ୟା ପାଇଁ ବ୍ରାହ୍ମଣୀ ନଦୀ ପାଣି ଗାଁ ଭିତରକୁ ପଶିଥିବାରୁ କୁମ୍ଭୀର ଗାଁ ଭିତରେ ବୁଲୁଥିବା ନଜର ଆସିଛି। ଭୟରେ ଲୋକେ ଏବେ ଆତଙ୍କିତ ଅବସ୍ଥାରେ ଅଛନ୍ତି। ଏପରିକି ରାତିରେ ଗାଁ ଲୋକ ଘରୁ ବାହାରିବା ମୁସ୍କିଲ ହୋଇପଡିଛି।
ଅନ୍ୟପଟେ କେନ୍ଦ୍ରାପଡ଼ା ଆଳିରେ ଫୁଲୁଛି ବ୍ରାହ୍ମଣୀ ନଦୀ। ଖାଲି ବ୍ରାହ୍ମଣୀ ନୁହେଁ ଖରସ୍ରୋତା ଓ କାଣୀ ନଦୀରେ ବି ବନ୍ୟା ଆସିଛି । ଫଳରେ ଆଳି ବ୍ଲକର ୧୨ଟି ପଞ୍ଚାୟତ ପ୍ରଭାବିତ ହୋଇଛ। ବିଶେଷ କରି ଧୋୟା ଅଞ୍ଚଳର ୧୦ଟି ପଞ୍ଚାୟତକୁ ଯୋଗାଯୋଗ ବିଛିନ୍ନ ହୋଇଛି। ଧୋୟା ଅଞ୍ଚଳକୁ ସଂଯୋଗ କରୁଥିବା ମାନପୁର-ଗୋବିନ୍ଦପୁର ରାସ୍ତା ଉପରେ ୭ଫୁଟ ଉଚ୍ଚର ବନ୍ୟାପାଣି ପ୍ରବାହିତ ହେଉଛି। ଗାଁ ଦାଣ୍ଡରେ ଡଙ୍ଗା ଚାଲୁଥିବା ବେଳେ, ହଜାର ହଜାର ଏକର ଚାଷ ଜମି ବୁଡିରହିଛି। ୩ ଦିନ ହେବ ବନ୍ୟାପାଣି ଘେରରେ ଅନେକ ଗାଁ ଥିବା ବେଳେ, ସ୍ଥାନୀୟ ଲୋକଙ୍କ ଦୁର୍ଦ୍ଦଶା ବଢିଛି ।
ଅପରପକ୍ଷେ ବ୍ରାହ୍ମଣୀରେ ବଢି ପାଣି ଆସିବାରୁ ରାଜନଗର ଅଞ୍ଚଳର ୫ଟି ପଚାୟତରେ ବନ୍ୟା ହୋଇଛି । ପ୍ରାୟ ୩୦ଟି ଗାଁ ବାହ୍ୟଜଗତରୁ ବିଛିନ୍ନ ହୋଇଯାଇଛି। ବନ୍ୟା ବିପନ୍ନ ଲୋକେ ଦିନ ବେଳେ ଯେମିତି ସେମିତି ଦିନ କାଟୁ ଥିବା ବେଳେ, ରାତି ହେଲେ ଘାରୁଛି କୁମ୍ଭୀର ଭୟ । ଏଣୁ ଠେଙ୍ଗାବାଡି ଧରି ଗୋଟିଏ ସ୍ଥାନରେ ଏକାଠି ରହୁଛନ୍ତି ସାରା ଗାଁ ଲୋକ ।
