ଟ୍ରାଫିକ ଚାଲାଣରେ ମିଳିବ ରିହାତି

ଯେଉଁମାନେ ଟ୍ରାଫିକ୍ ନିୟମ ଉଲ୍ଲଂଘନ କରୁଛନ୍ତି ସେମାନଙ୍କର ଚାଲାଣ କଟାଯାଉଛି। ଚାଲାଣ କଟା ମାମଲାଗୁଡିକ ବହୁତ ସମୟ ନେଇଥାଏ।କିନ୍ତୁ ବର୍ତ୍ତମାନ ଦିଲ୍ଲୀରେ ଏକ ନୂତନ ନିୟମ ଲାଗୁ ହେବ ଯେଉଁଥିରେ ଚାଳକଙ୍କୁ ଚାଲାଣରେ ୫୦ ପ୍ରତିଶତ ରିହାତି ଦିଆଯିବ। ପରିବହନ ବିଭାଗ ଦିଲ୍ଲୀ ସରକାରଙ୍କୁ ଏକ ପ୍ରସ୍ତାବ ପଠାଇଛନ୍ତି |ଉଲ୍ଲଂଘନ ମାମଲାରେ ଚାଲାଣର ସ୍ପଟ୍ ପେମେଣ୍ଟ ଉପରେ ୫୦ ପ୍ରତିଶତ ରିହାତି ପ୍ରଦାନ କରାଯିବାକୁ ପ୍ରସ୍ତାବ ଦିଆଯାଇଥିଲା। ଏହି ପ୍ରସ୍ତାବକୁ ଦିଲ୍ଲୀ ପରିବହନ ମନ୍ତ୍ରୀ କୈଲାସ ଗେହଲୋଟ୍ ବିଚାର କରିଛନ୍ତି।

ଟ୍ରାଫିକ୍ ନିୟମ ଉଲ୍ଲଂଘନକାରୀ ଯଦି ସେହି ସ୍ଥାନରେ ଚାଲାଣ ରାଶି ଦେବେ ତେବେ ତାଙ୍କୁ ୫୦ ପ୍ରତିଶତ ପର୍ଯ୍ୟନ୍ତ ରିହାତି ପ୍ରଦାନ କରାଯିବ।ଜନସାଧାରଣଙ୍କୁ ଆଶ୍ବସ୍ତି ଦେବା ପାଇଁ ଦିଲ୍ଲୀ ସରକାର ଏଭଳି ନିଷ୍ପତ୍ତି ନେଇଛନ୍ତି। ପରିବହନ ମନ୍ତ୍ରୀ କୈଲାସ ଗେହଲୋଟ୍ ଏହି ସୂଚନା ଦେଇଛନ୍ତି।
ଅନୁମୋଦନ ପାଇଁ ଉପରାଜ୍ୟପାଳଙ୍କ ନିକଟକୁ ଏହି ପ୍ରସ୍ତାବ ପଠାଯାଇଥିବା ସେ ସୂଚନା ଦେଇଛନ୍ତି। ଯେଉଁ କ୍ଷେତ୍ରରେ ଚାଲାଣର ପୈଠ ୯୦ ଦିନ ମଧ୍ୟରେ କରାଯିବ ସେକ୍ଷେତ୍ରରେ ମଧ୍ୟ ଏହା ପ୍ରଦାନ କରାଯିବ। ଏହା ସହିତ, ଯଦି ଏହି ନିୟମର ବିଜ୍ଞପ୍ତି ପରେ ଜାରି କରାଯାଇଥିବା ଚାଲାଣଗୁଡିକ ୩୦ ଦିନ ମଧ୍ୟରେ ପୈଠ କରାଯାଏ, ତେବେ ଚାଲାଣ ପରିମାଣ ଅଧାକୁ କମିଯିବ ।