ପବ୍ଲିକ୍ ଆଡ୍ମିନିଷ୍ଟ୍ରେସନ୍ ପଢ଼ିବେ ମାଓନେତା ସବ୍ୟସାଚୀ ପଣ୍ଡା
ଶିକ୍ଷା ହେଉଛି ମୌଳିକ ଅଧିକାର । ଏଥିରୁ କେହି ଯେପରି ବଞ୍ଛିତ ନହୁଏ ସେଥିପ୍ରତି ସରକାର ସଚେତନ ଓ ଯତ୍ନବାନ। ଜେଲ୍ ଅନ୍ତେବାସୀଙ୍କ କ୍ଷେତ୍ରରେ ଶିକ୍ଷା ଅଧିକାରକୁ ନିଶ୍ଚିତ କରିବା ପାଇଁ ସରକାର ସ୍ୱତନ୍ତ୍ର ସୁବିଧା କରିଛନ୍ତି । ଜେଲ୍ ଅନ୍ତେବାସୀଙ୍କ ଉଚ୍ଚ ଶିକ୍ଷା ଆଶା ପୂରଣ ପାଇଁ ରାଜ୍ୟ ସରକାର ଓଡ଼ିଶା ରାଜ୍ୟ ମୁକ୍ତ ବିଶ୍ୱବିଦ୍ୟାଳୟ (ଓଏସ୍ଓୟୁ) ନାମରେ ଏକ ବିକଳ୍ପ ସୃଷ୍ଟି କରିଛନ୍ତି ।୨୦୨୪-୨୫ ଶିକ୍ଷା ବର୍ଷ ପାଇଁ ନାମଲେଖା ଆରମ୍ଭ ହୋଇଛି । ସ୍ନାତୋକତ୍ତର ଇତିହାସ, ରାଜନୀତି ବିଜ୍ଞାନ, ଅର୍ଥନୀତି ଓ ପବ୍ଲିକ୍ ଆଡମିନିଷ୍ଟ୍ରେସନ୍ ପାଠ୍ୟକ୍ରମ ପାଇଁ ଆବେଦନ ପ୍ରକ୍ରିୟା ଜାରି ରହିଛି । ଅକ୍ଟୋବର ୧୦ ଆରମ୍ଭ ହୋଇଥିବା ଆବେଦନ ପ୍ରକ୍ରିୟା ଆସନ୍ତା ୧୫ରେ ଶେଷ ହେବ । ଉପରୋକ୍ତ ୪ଟି ପାଠ୍ୟକ୍ରମ ଭିତରୁ ପବ୍ଲିକ୍ ଆଡମିନିଷ୍ଟ୍ରେସନ୍ ବିଷୟରେ ପଢ଼ିବାକୁ ମାଓନେତା ସବ୍ୟସାଚୀ ପଣ୍ଡା ଆବେଦନ କରିଛନ୍ତି । ତାଙ୍କ ସହ ଆଉ ଚାରି ଜଣ ଜେଲ୍ ଅନ୍ତେବାସୀ ଏହି ପାଠ୍ୟକ୍ରମରେ ନାମ ଲେଖାଇବାକୁ ଆବେଦନ କରିଥିବା ଆଞ୍ଚଳିକ ନିର୍ଦ୍ଦେଶିକା କହିଛନ୍ତି ।ନାମ ଲେଖାଇବା ପରେ ପାଠ ପଢ଼ା ଓ ପରୀକ୍ଷା ଦେବାରେ ଯେପରି ଅସୁବିଧା ନହୁଏ ସେଥିପ୍ରତି ବିଶେଷ ଧ୍ୟାନ ଦିଆଯାଉଛି ବୋଲି ସେ କହିଛନ୍ତି ।
