ବେଆଇନ ଭାବେ ଆମେରିକାରେ ରହୁଥିବା ଭାରତୀୟ ନାଗରିକ ଭାରତ ଫେରିବେ

ବେଆଇନ ଭାବେ ଆମେରିକାରେ ରହୁଥିବା ସମସ୍ତ ନାଗରିକଙ୍କୁ ଚିହ୍ନଟ କରି ଫେରାଇ ଆଣିବା ପାଇଁ ଭାରତ ସରକାର ଡୋନାଲ୍ଡ ଟ୍ରମ୍ପଙ୍କ ପ୍ରଶାସନ ସହ ମିଶି କାମ କରିବାକୁ ଯାଉଛନ୍ତି । ଦୁଇ ଦେଶ ମିଳିତ ଭାବେ ଆମେରିକାରେ ଥିବା ପ୍ରାୟ ୧୮,୦୦୦ ବେଆଇନ ଭାବେ ପ୍ରବେଶ କରିଥିବା  ଭାରତୀୟଙ୍କୁ ଦେଶାନ୍ତର କରିବା ପାଇଁ ଚିହ୍ନଟ କରିଛନ୍ତି । ଏହି ସଂଖ୍ୟା ଆହୁରି ଅଧିକ ହୋଇପାରେ । ବେଆଇନ ପ୍ରବାସ ବିରୋଧରେ କାର୍ୟ୍ୟାନୁଷ୍ଠାନ ଟ୍ରମ୍ପଙ୍କ ପାଇଁ ଏକ ପ୍ରମୁଖ ପ୍ରଚାର ପ୍ରତିଶ୍ରୁତି ହୋଇଛି ।ଭାରତ ଆଶା କରୁଛି ଯେ ଟ୍ରମ୍ପ ପ୍ରଶାସନ ତା’ର ନାଗରିକମାନଙ୍କ ଦ୍ୱାରା ଆମେରିକାରେ ପ୍ରବେଶ କରିବା ପାଇଁ ବ୍ୟବହୃତ ଆଇନଗତ ଇମିଗ୍ରେସନ ଚ୍ୟାନେଲ, ବିଶେଷକରି ଷ୍ଟୁଡେଣ୍ଟ ଭିସା ଏବଂ କୁଶଳୀ ଶ୍ରମିକଙ୍କ ପାଇଁ ଏଚ -୧ବି କାର୍ୟ୍ୟକ୍ରମକୁ ସୁରକ୍ଷା ଦେବ ।