ରାଷ୍ଟ୍ରୀୟ ସାଧାରଣତନ୍ତ୍ର ଦିବସ
ଆସନ୍ତା ରାଷ୍ଟ୍ରୀୟ ସାଧାରଣତନ୍ତ୍ର ଦିବସ -୨୦୨୫ ଉତ୍ସବରେ ପ୍ରଥମଥର ପାଇଁ କର୍ତ୍ତବ୍ୟପଥରେ ସାଂସ୍କୃତିକ କାର୍ଯ୍ୟକ୍ରମ ଅନ୍ତର୍ଗତ ୫ହଜାର କଳାକାରଙ୍କ ଦ୍ବାରା ପରିବେଷଣ ହେବ ୧୧ ମିନିଟ୍ ଅବଧିର ‘ଜୟତି ଜୟ ମମ ଭାରତମ’ ନୃତ୍ୟ। କେନ୍ଦ୍ର ସଂସ୍କୃତି ମନ୍ତ୍ରାଳୟ ଅଧୀନସ୍ଥ ସଙ୍ଗୀତ ନାଟକ ଅକାଦେମି ଦ୍ବାରା ଏହି ନୃତ୍ୟର ପରିକଳ୍ପନା କରାଯାଇଛି|ସଙ୍ଗୀତ ନାଟକ ଅକାଦେମିର ଅଧ୍ୟକ୍ଷା ଡ. ସଂଧ୍ୟା ପୁରେଚା ଏହାର ମୁ୍ଖ୍ୟ କୋରିଓଗ୍ରାଫର୍ ରହିଛନ୍ତି। ଏହି ନୃତ୍ୟରେ ଓଡ଼ିଶା ସମେତ ଦେଶର ସମସ୍ତ ରାଜ୍ୟ ଓ କେନ୍ଦ୍ର ଶାସିତ ଅଂଚଳର ୫୦ଟି ଲୋକନୃତ୍ୟ ଓ ଆଦିବାସୀ ନୃତ୍ୟର କଳାକାର ସାମିଲ ହୋଇଛନ୍ତି|ଓଡ଼ିଶାର ତିନି ଲୋକନୃତ୍ୟ ସମ୍ବଲପୁରୀ, ପଶୁମୁଖା ନୃତ୍ୟ ଓ ବାଘ ନାଚର ୩୦୦ରୁ ଅଧିକ କଳାକାର ଏଥିରେ ସାମିଲ ହେବେ। ବିକଶିତ ଭାରତ, ‘ବିରାସତ ଭି, ବିକାଶ ଭି’ ଓ ଏକ ଭାରତ ଶ୍ରେଷ୍ଠ ଭାରତ ଥିମ୍ରେ କଳାକାରମାନେ ନୃତ୍ୟ ପରିବେଷଣ କରିବେ। ସମ୍ବଲପୁରୀ ନୃତ୍ୟ ପାଇଁ ଓଡ଼ିଶାରୁ ୨୫୦ରୁ ଅଧିକ ମହିଳା କଳାକାର ଭାଗ ନେଇଥିବାବେଳେ ପଶୁ ମୁଖା ନୃତ୍ୟ ଓ ବାଘ ନାଚ ପାଇଁ ୫୦ କଳାକାର ସାମିଲ ହୋଇଛନ୍ତି
