ଡିଜିଟାଲ୍ ଗିରଫଦାରୀର ଶିକାର
ଦକ୍ଷିଣ ମୁମ୍ବାଇର ଜଣେ ୮୬ ବର୍ଷୀୟ ବୃଦ୍ଧା ସାଇବର ଅପରାଧୀଙ୍କ ଶିକାର ହୋଇଛନ୍ତି। ଡିଜିଟାଲ୍ ଗିରଫର ଭୟ ଦେଖାଇ ଅପରାଧୀମାନେ ବୃଦ୍ଧାଙ୍କର ପ୍ରାୟ ୨୦ କୋଟି ଟଙ୍କା ଠକି ନେଇଛନ୍ତି।ସୂଚନାନୁସାରେ, ଜଣେ ବ୍ୟକ୍ତି ନିଜକୁ ‘ସିବିଆଇ ଅଧିକାରୀ’ର ପରିଚୟ ନେଇ ବୃଦ୍ଧାଙ୍କୁ ଫୋନ୍ କରିଥିଲା। ୨୬ ଡିସେମ୍ବର ୨୦୨୪ରୁ ଚଳିତ ବର୍ଷ ମାର୍ଚ୍ଚ ୩ ତାରିଖ ମଧ୍ୟରେ ଘଟିଥିବା ଏକ ଅପରାଧ ମାମଲାରେ ତିନିଜଣ ଗିରଫ ହୋଇ ସାରିଛନ୍ତି। ତାଙ୍କର ଆଧାର କାର୍ଡ ବ୍ୟବହାର କରି ବ୍ୟାଙ୍କ ଆକାଉଣ୍ଟ ଖୋଲାଯିବା ସହ ଏଥିରେ କୋଟିକୋଟି ଟଙ୍କା ବେଆଇନ କାରବାର କରାଯାଇଛି ବୋଲି କହିଥିଲା।ଏହି ମାମଲାରେ ତାଙ୍କୁ ‘ଡିଜିଟାଲ୍ ଗିରଫ’ କରାଯାଇଛି। ଏହି ସମୟ ମଧ୍ୟରେ ସେ କେଉଁ ଆଡ଼େ ଯାଇପାରିବେ ନାର୍ହି। ମୋବାଇଲ୍ ବନ୍ଦ କରିପାରିବେ ନାହିଁ। ପ୍ରତି ତିନିଘଣ୍ଟାରେ ଥରେ ଫୋନ୍ରେ କଥା ହେବେ। ଯଦି ଏହାର ଅମାନ୍ୟ ହୁଏ ତେବେ ବୃଦ୍ଧା ଓ ତାଙ୍କ ସନ୍ତାନମାନଙ୍କୁ ଗିରଫ କରାଯିବ ବୋଲି ଠକ ଜଣକ ଧମକ ଦେଇଥିଲେ। ଠକଙ୍କ କହିବାନୁସାରେ ୨୦ କୋଟି ୨୬ ଲକ୍ଷ ଟଙ୍କା ବିଭିନ୍ନ ବ୍ୟାଙ୍କ ଆକାଉଣ୍ଟକୁ ପଠାଇଥିଲେ। ତଦନ୍ତ ଶେଷ ହେବା ପରେ ଏହି ଟଙ୍କା ଫେରସ୍ତ କରାଯିବ ବୋଲି ପ୍ରତିଶ୍ରୁତି ଦେଇଥିଲେ। ତେବେ ବୃଦ୍ଧାଙ୍କ ହାବଭାବରେ ପରିବର୍ତ୍ତନ ନେଇ ଘରର ଚାକରାଣୀ ବୃଦ୍ଧାଙ୍କ ଝିଅକୁ ଜଣାଇଥିଲେ। ଅଭିଯୋଗ ପରେ ପୁଲିସ ତଦନ୍ତ ଆରମ୍ଭ କରିଥିଲା।
