ଆଜି ଠାରୁ ପୁଣି ଆରମ୍ଭ ହେବ ସଂସଦର ମୌସୁମୀ ଅଧିବେଶନ

ଆଜି ଠାରୁ ପୁଣି ଆରମ୍ଭ ହେବ ସଂସଦର ମୌସୁମୀ ଅଧିବେଶନ। ଗତ 20 ତାରିଖ ଠାରୁ ଆରମ୍ଭ ହୋଇଥିବା ଅଧିବେଶନ ଏବେ ସୁଦ୍ଧା କେବଳ ହୋହାଲ୍ଲାରେ ଶେଷ ହୋଇଛି । ସଂସଦ ଆରମ୍ଭ ହେବା ଦିନ ଠାରୁ ମଣିପୁର ହିଂସା ପ୍ରସଙ୍ଗରେ ଆଲୋଚନା କରିବାକୁ ବିରୋଧୀ ଦଳ ଜିଦ ଧରି ହଙ୍ଗାମା କରିଥିବାରୁ କୌଣସି ଆଲୋଚନା ସମ୍ଭବ ହୋଇପାରିନାହିଁ । ଯାହାକୁ ନେଇ ତିନି ଦିନ ଗୃହ ମୁଲତବୀ ରହିଥିଲା। ଏହି ସପ୍ତାହରେ କେନ୍ଦ୍ର ସରକାର ଦିଲ୍ଲୀ ଅଧ୍ୟାଦେଶ ବିଲ୍ ଆଣିବେ ବୋଲି ସଂକେତ ମିଳିଛି। ତେଣୁ ଚଳିତ ସପ୍ତାହ ମଧ୍ୟ ଅଧିବେଶନ ସରଗରମ ରହିବ ବୋଲି କୁହାଯାଉଛି।