ବିଶ୍ୱ ମାନକ ଦିବସ ୨୦୨୪

ପ୍ରତିବର୍ଷ ଅକ୍ଟୋବର ୧୪ରେ ବିଶ୍ୱ ମାନକ ଦିବସ ପାଳନ କରାଯାଏ । ଆନ୍ତର୍ଜାତୀୟ ମାନକ ବିକାଶରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଥିବା ବିଶେଷଜ୍ଞ ଏବଂ ସଂଗଠନର ଅବଦାନକୁ ଚିହ୍ନିବା ଏବଂ ପ୍ରଶଂସା କରିବା ଏହି ଦିନର ଉଦ୍ଦେଶ୍ୟ। ଏହି ମାନକ ବିଶ୍ୱ ବାଣିଜ୍ୟ, ଉତ୍ପାଦ ଗୁଣବତ୍ତା, ଉପଭୋକ୍ତା ନିରାପତ୍ତା ଏବଂ ଅଭିନବ ପ୍ରଯୁକ୍ତିବିଦ୍ୟା ପାଇଁ ଏକ ସାଧାରଣ ଢାଞ୍ଚା ସୃଷ୍ଟି କରେ, ଯାହାଦ୍ୱାରା ବିଶ୍ୱରେ ସ୍ଥିରତାକୁ ପ୍ରୋତ୍ସାହନ ମିଳେ।

ପ୍ରତିବର୍ଷ ଏହି ଦିନର ଏକ ବିଶେଷ ଥିମ୍ ରହିଥାଏ, ଯାହା ସେହି ବର୍ଷର ବିଶ୍ୱ ବ୍ୟବସାୟ ଏବଂ ବୈଷୟିକ ଚ୍ୟାଲେଞ୍ଜକୁ ଧ୍ୟାନରେ ରଖି ନିର୍ଧାରିତ ହୋଇଥାଏ । ଚଳିତ ବର୍ଷ ବିଶ୍ୱ ମାନକ ଦିବସର ବିଷୟବସ୍ତୁ ହେଉଛି, ‘ଏକ ଉତ୍ତମ ବିଶ୍ୱ ପାଇଁ ଅଂଶୀଦାର ଦୃଷ୍ଟି’। ଯାହା ଉଦୀୟମାନ ପ୍ରଯୁକ୍ତିବିଦ୍ୟା ଉପରେ ଧ୍ୟାନ ଦେବ ।