ଡିସେମ୍ବର ୬ରୁ ରାଜ୍ୟ ପୁସ୍ତକ ମହୋତ୍ସବ
୬ଷ୍ଠ ଓଡ଼ିଶା ରାଜ୍ୟ ପୁସ୍ତକ ମହୋତ୍ସବ-‘ଅକ୍ଷର’ । ଆସନ୍ତା ଡିସେମ୍ବର ୬ରୁ ୧୭ ତାରିଖ ୧୨ ଦିନ ବ୍ୟାପୀ ଅନୁଷ୍ଠିତ ହେବ ।ନୂଆ ସରକାରରେ ପୁସ୍ତକ ମହୋତ୍ସବକୁ ନୂଆ ରୂପ ଦେବାକୁ ଯୋଜନା ହୋଇଛି । ଏନେଇ ଓଡ଼ିଶା ସରକାରଙ୍କ ଭାଷା, ସାହିତ୍ୟ ଓ ସଂସ୍କୃତି ବିଭାଗ ଆନୁକୂଲ୍ୟରେ କାର୍ଯ୍ୟକ୍ରମ ଗ୍ରହଣ କରାଯାଇଥିବା ସୂଚନା ମିଳିଛି ।
ଭୁବନେଶ୍ୱର ୟୁନିଟ୍-୩ ସ୍ଥିତ ଇଡ୍କୋ ପ୍ରଦର୍ଶନୀ ପଡ଼ିଆଠାରେ ରାଜ୍ୟ ସଂସ୍କୃତି ବିଭାଗ ଆନୁକୂଲ୍ୟରେ ରାଜଧାନୀ ପୁସ୍ତକ ମେଳା, ଏକାମ୍ର ପୁସ୍ତକ ମହୋତ୍ସବ କମିଟି, ଓଡ଼ିଶା ପୁସ୍ତକ ପ୍ରକାଶକ ଓ ବିକ୍ରେତା ସଂଘ ସହଯୋଗରେ ‘ଅକ୍ଷର’ ଆୟୋଜିତ ହେବ । ଏନେଇ ଗତ ଅକ୍ଟୋବର ୧୮ ତାରିଖରେ ସଂସ୍କୃତି ବିଭାଗ ନିର୍ଦ୍ଦେଶକ ଡ. ବିଜୟ କେତନ ଉପାଧ୍ୟାୟଙ୍କ ଅଧ୍ୟକ୍ଷତାରେ ଏକ ବୈଠକ ହୋଇଥିଲା ।
ମହୋତ୍ସବ ପରିସର ୩ଟି ମୁଖ୍ୟ ଥିମ୍ ବା ବିଷୟ ଉପରେ ଆଧାରିତ ହେବ । ଯଥା³ ମହାନ ବିପ୍ଲବୀ ବିର୍ସା ମୁଣ୍ଡା ଓ ଅନ୍ୟ ସ୍ୱାଧୀନତାଙ୍କ ସଂଗ୍ରାମୀଙ୍କ ଅବଦାନ, ଡ. ହରେକୃଷ୍ଣ ମହତାବ ଶତବାର୍ଷିକୀ ଓ ଓଡ଼ିଶାର ବୌଦ୍ଧ ଐତିହ୍ୟକୁ ସ୍ଥାନିତ କରାଯାଇ ପାଠାକମାନଙ୍କୁ ଅବଗତ କରାଯିବ ।
