କମି ଯାଉଛନ୍ତି ବିରଳ ପ୍ରଜାତିର ଚିଲିକା ମଇଁଷି
ଓଡ଼ିଶାର ଖୋର୍ଦ୍ଧା, ପୁରୀ ଆଦି ଜିଲ୍ଲାରେ ଦେଖା ଯାଉଥିବା ଅନ୍ୟତମ ବିରଳ ପ୍ରଜାତି । ଏମାନଙ୍କ କ୍ଷୀରରେ ‘ଓମେଗା-୩-ଫ୍ୟାଟି ଏସିଡ୍’ ରହିଛି । ଯାହା ହୃଦରୋଗୀଙ୍କ ପାଇଁ ସଞ୍ଜୀବନୀ । ଏହି ମଇଁଷିଙ୍କ ସଂଖ୍ୟା କ୍ରମଶଃ ହ୍ରାସ ପାଉଛି । ପ୍ରାୟ ୧୯ବର୍ଷ ପୂର୍ବେ ଓଡ଼ିଶା କୃଷି ଓ ବୈଷୟିକ ବିଶ୍ୱବିଦ୍ୟାଳୟ ପକ୍ଷରୁ ଚିଲିକା ମଇଁଷି ଉପରେ ଗବେଷଣା ହୋଇଥିଲା । ସେ ସମୟରେ ଚିଲିକା ଆଖାପଖର ୩୬ଟି ଗାଁରେ ୬୦ହଜାରରୁ ଅଧିକ ମଇଁଷି ଥିଲେ । ଏହାପରେ ଏନବିଏଜେଆର୍ର ଗବେଷକମାନେ ମଧ୍ୟ ଚିଲିକା ଆସି ମଇଁଷି ଉପରେ ଅନୁସନ୍ଧାନ କରିଥିଲେ । ମଇଁଷିର କ୍ଷୀରରେ ଔଷଧୀୟ ଗୁଣ ରହିଥିବା ଗବେଷଣାରୁ ଜଣାପଡ଼ିଛି । ହେଲେ ଏବେ ଏମାନଙ୍କ ସଂଖ୍ୟା କମି ଆସି ୩୦ରୁ ୩୫ ହଜାର ରହିଛି । ଯାହା ଦେଶରେ ଦେଖାଯାଉଥିବା ମଇଁଷିଙ୍କ କ୍ଷୀରରେ ବିରଳ । ହେଲେ ଏହି ମଇଁଷିଙ୍କ ବଂଶବୃଦ୍ଧି ଓ ସଂରକ୍ଷଣ ପାଇଁ ସରକାରୀସ୍ତରରେ କୌଣସି ଉଦ୍ୟମ ନାହିଁ ।
